ស្គាល់អត្តសញ្ញាណនារីរងគ្រោះ ដែលត្រូវគេសម្លាប់រុញទម្លាក់ទឹក នៅទន្លេបាទីហើយ

ខេត្តតាកែវ៖ នៅវេលាម៉ោង១០ព្រឹក ថ្ងៃទី២០ ខែកក្កដា ឆ្នាំ២០១៦ នេះ មានករណីភ្ញាក់ផ្អើលមួយ ដែលនារីម្នាក់ត្រូវបានគេអារ-កស្លាប់រុញទម្លាក់ទឹក នៅរមណីយដ្ឋានទន្លេបាទី ស្រុកបាទី ខេត្តតាកែវ។ តាមការឲ្យដឹងពីសមត្ថកិច្ចបានឲ្យដឹងថានារីរងគ្រោះមានឈ្មោះ ជា សុជាតិ អាយុ២៣ឆ្នាំ រស់នៅភូមិព្រែកសំរោង ក្រុងតាខ្មៅ ខេត្តកណ្តាល។
តាមប្រភពព័ត៌មាន បានអោយដឹងថា ជនសង្ស័យ បានជិះម៉ូតូម៉ាកហុងដារ Wave មិនចាំស្លាកលេខ ជិះរត់គេចខ្លួនបាត់ ក្រោយធ្វើសកម្មភាពអារ-ក សម្លាប់នារីរងគ្រោះ។ ខណៈនេះសមត្ថកិច្ចកំពុងសួរនាំ ឪពុកម្តាយរបស់ស្រ្តីជនរងគ្រោះ ដើម្បីស្វែងរកពន្លឺនៃឃាតកម្មមួយនេះ ។