ស្អែកដង្ហែសពលោកបណ្ឌិត កែម ឡី សូមអ្នកចូលរួម

នៅថ្ងៃទី២៤ ខែកក្កដា ឆ្នាំ២០១៦ ស្អែកនេះ សពលោកបណ្ឌិត កែម ឡី នឹងត្រូវសម្រេចដង្ហែរចពីវត្តចាស់ ក្នុងសង្កាត់ជ្រោយចង្វារ ឆ្ពោះទៅកាន់មហាវិថីព្រះមុន្នីវង្ស និងផ្លូវសហព័ន្ធរុស្ស៊ី រួចបន្តរហូតដល់រង្វង់មូលចោមចៅ និងធ្វើដំណើរតាមផ្លូវជាតិលេខ៣ រហូតដល់ផ្លូវបត់អង្គតាសោម រួចបត់ឆ្វេង និងបន្តដំណើរប្រមាណ៨.៥គ.ម នឹងដល់ផ្ទះបុណ្យសព។

សម្រាប់អ្នកចូលរួមក្បួនដង្ហែសពសូមប្រកាន់ខ្ជាប់នូវគោលការណ៍មួយចំនួនដូចខាងក្រោម៖

– កាន់ទុក្ខ និងគោរពវិញ្ញាណក្ខន្ធលោកបណ្ឌិត កែម ឡី

– ប្រកាន់ខ្ជាប់នូវមេត្តាធម៌ សីលធម៌ ធម៌អហិង្សា និងហ្មត់ចត់

– មិនបង្កឲ្យមានអំពើហិង្សាឬអរិយភាពផ្សេងៗ ដែលនាំឲ្យរំខានដល់ដំណើរហែសព លោកបណ្ឌិត កែម ឡី

– ហាមយកមកជាមួយនូវអាវុធជាតិផ្ទុះ ឬឧបករណ៍ដែលនាំឲ្យមានគ្រោះថ្នាក់

– សូមមេត្តាទទួលខុសត្រូវរៀងៗខ្លួន នូវសម្ភារៈនិងសុវត្ថិភាព